Þá erum við nýlega loksins búin að koma okkur fyrir á nýjum stað uppí Grafarholtinu. Bara 1,5 mánuðir þangað til að við flytjum næst. Jejjj :) Get ekki beðið! Það verður gaman, því þá höfum við bara einn dag áður en við förum til Danmerkur. Þetta verður brjálað fjör. Allir sem vilja hjálpa til eru s.s. meira en velkomnir ;)

En, já, ég ákvað að taka mér veikindafrí frá vinnunni í dag. Er búin að vera eitthvað slöpp, sérstaklega í gær. Lífið er samt spennandi og maður er alltaf að heyra um einhverjar vinkonur sem eru orðnar óléttar. Greinilegt að við erum komin á fjölskyldualdurinn. Jahér, ætli maður þurfi ekki bráðum að fara að þroskast.

Það var 100 ára afmæli Aðventkirkjunnar í Reykjavík svo skóla Aðventista á Íslandi, þannig að það var afskaplega hátíðleg stund í kirkjunni. Björn Bjarnason og einhver Steinunn frá Biskupsstofu mættu og voru með tölu. Nemendur mínir sungu og voru með leikrit, þannig að það létti aðeins á stemningunni. Fyndið, stelpurnar mínar eru með algjört æði fyrir Kanga og búnar að suða í mér að kenna þeim afrísk lög, þannig að við sungum Bwana Yesu kafufuka. Að eigin ósk voru þær klæddar í kanga. Mjög skemmtilegt.

Annars erum við Kiddi og vinur okkar Jón nýbyrjuð með unglingastarf þar í kirkjunni, en það hefur verið mikil þörf á því hingað til. Þetta er allt mjög spennandi og unglingarnir mjög jákvæðir.

Jæja, þá fer þessum fréttapistli senn að ljúka. Vona að allir sem lesa þetta séu hressir og farnir að hlakka til jólanna eins og ég :)

Myndir frá sumrinu :)

Ákvað að leyfa ykkur sjá eitthvað af því sem ég upplifði núna síðla sumars:

Aðal viðburðurinn var að sjálfsögðu brúðkaup Jóns og Marisu. En við gerðum líka margt annað.

Við fórum í siglingu þegar við vorum í San Diego þar sem við lærðum allt um bandaríska herinn. Þetta átti að vera kynning á sögu staðarins. Þetta var nú líkara sögu hersins. Mamma og pabbi eru alltaf jafn töff með sólgleraugu:)

Við fórum ásamt móður Kidda á Snæfellsnesið aðallega til að fara í berjamó, en líka til að skoða staðinn þ.s. hann er ættaður þaðan. Á þessum stað (sem ég man ekki hvað heitir) er ákveðin hefð fyrir því að lyfta þessum þremur steinum sem sjást á myndinni. Ssteinninn sem hann heldur á erum 60 kg! Svaka sterkur :)

Hér erum við Sonja (tengdamamma) á einum fegursta stað á Ísland, Snæfellsnesinu. Þurftum að labba smá spotta til að komast þangað.

Hér sáum við mjög greinilega þegar fór að koma flóð. Alveg magnað!

Amma (t.v.) og tvíburasystir hennar (t.h.) urðu áttræðar 14. ágúst.

Jæja, that's all for now folks. Hafið það sem best.

Árekstrar

Undanfarin vika hefur verið frekar óvenjuleg að því leyti að ég hef lent í tveimur árekstrum. Hinn síðari var mun verri þar sem þá var keyrt aftan á okkur Kidda þegar við vorum á leið í vinnu. Ekki mjög spennandi. Lögreglan ráðlagði okkur að fara beint á slysó til að hafa allt á hreinu hvað varðar tryggingamál og fleira og fengum við að dúsa þar í um 3 klst. þar sem mesti tíminn fór í bið. Það mætti nú alveg updeita blöðin og svo mætti nú alveg bjóða manni upp á kaffi eða vatn. Það er ekki eins og það sé eitthvað ódýrt að fara þangað!!

Jæja, nóg um neikvæðni! Ég er búin að uppgötva að ég er alveg svakalega neikvæð manneskja þegar ég tek mig til og er óánægð með eitthvað. Þarf nú eitthvað að vinna í þessu.

Hef verið frá vinnu síðan á miðvikudaginn þegar síðari árexturinn átti sér stað, með undantekningu í gær, þegar ég ákvað að harka það af mér þar sem mér fannst það svo mikill aumingjaskapur að vilja vera heima út af einhverjum smá bakverk. Ákvað samt að fara heim þegar höndin mín var orðin alveg dofin. Hugsaði með mér að það væri kannski ekki mjög sniðugt...hm?!

Jæja gott fólk, þ.e.a.s. þið sem lesið hugsanlega bloggið mitt (ef það er einhver...annars hef ég bara gaman af að skrifa um lífið og tilveruna, þó ekki nema bara fyrir þá ánægju í sjálfu sér...hm...kannski ætti ég að gerast rithöfundur? Það hljómar vel að geta unnið heima við að skrifa...? Jahér, þetta er nú eitthvað komið út í vitleysu!), hafið það gott í rigningunni. Munið að það er ekkert sem jafnast á við kaffi, te eða jafnvel heitt súkkulaði þegar veðrið er svona grátt.