Danmerkurferð og fleira

Jæja, gott fólk.

Þá fer senn að líða að Danmerkurferðinni góðu, en þannig er mál með vöxtum að við munum eyða jólunum með tengdafjöldkyldunni sem er búsett í Danmerku í bili. Við förum sem sagt snemma næsta laugardagsmorgun og munum vera fjarverandi í 2 vikur. Ég kveð ykkur því hér með, því að á morgun verð ég frekar upptekin í vinnunni. Skóladagurinn fer í það að undirbúa kirkjujólin þar sem verður sýnt jólaleikritið um Panov afa og sungnir verða ýmsir jólasöngvar. Kirkjujólin verða síðan annað kvöld.

Kiddi greyið er einn í því að flytja fyrir okkur, því við munum fara í aðra íbúð frá og með morgundeginum. Ég er því miður enn með svakalega sterkt lyktarskyn sem gerir það að verkum að ég get ekki stigið fæti inn í íbúðina sem við höfum verið í síðan í haust. Þetta er alveg svakalega skrýtið ástand.

Annars er það í fréttum að við fengum að sjá barnið okkar í dag. Vá, það var mjög sérstakt. Það virðist allt vera í lagi, en þar sem okkur var sagt að koma áður en við færum til Danmerkur, sagði konan sem sá um þetta í dag að við værum í raun allt of snemma. Þess vegna fáum við og þurfum við að fara aftur annan janúar. Það er náttúrlega bara gaman, því þá fáum við að sjá barnið betur og fáum líka aðra mynd. Það var samt gott að við skyldum hafa farið núna, því þá getum við sýnt tengdó myndina.

Annars er ég mikið að pæla í mataræði þessa dagana, og þá sérstaklega hvort það sé sniðugt fyrir mig að drekka malt eða ekki. Það segja allir að það sé í lagi og ljósmóðirin í dag hafði nú bara aldrei fengið þessa spurningu áður, en það er nú samt 2,25% áfengi í því engu að síður.

En...ég kveð ykkur í bili. Ef ég nenni ekki að skrifa næstu vikurnar, þá segi ég bara: Gleðileg jól :)

JÆJA

Ég er búin að komast að því að orðið "jæja" er alveg svakalega hentugt og sniðugt orð, enda byrja ég ófá bloggin á því orði. Þannig er nú það :)

Ég á alveg svakalega skemmtilega frænku, en ástæðan fyrir því að hún er sérstaklega í uppáhaldi hjá mér þessa dagana er að hún virðist hafa þörf fyrir því að fá útrás með því að gefa mér og lána mér hluti fyrir bumbulínufólk sem hana langaði í eða hreinlega vantaði þegar hún gekk með sín börn. Afskaplega skemmtilegt fyrir mig :)

Það er líka helst í fréttum að ég er nú orðin árinu eldri en ég var fyrir helgi, því á sunnudaginn eltist ég um heilt ár. Svo förum við í sónar á morgun, þannig að það eru fullt af spennandi hlutum að gerast. Nú fæ ég væntanlega að sjá að ég er í alvörunni með lifandi manneskju inní mér. Þetta er nefnilega svo ótrúlegt og mikið kraftaverk að heilinn í mér virðist eiga erfitt með að skilja þetta.

JÆJA :) maðurinn er kominn og ég þarf að rjúka.

Ways to confuse Santa Claus

- Leave a plate filled with cookies and a glass of milk out, with a note that says, "For The Tooth Fairy." Leave another plate out with half a stale cookie and a few drops of skim milk in a dirty glass with a note that says, "For Santa"

- Take everything out of your house as if it's just been robbed. When Santa arrives, show up dressed like a policeman and say, "Well, well. They always return to the scene of the crime."

- Leave out a copy of your Christmas list with last-minute changes and corrections.

- While he's in the house, cover the top of the chimney with barbed wire.

- Leave lots of hunting trophies and guns out where Santa's sure to see them. Go outside, yell, "Ooh! Look! A deer! And he's got a red nose!" and fire a gun.

- Leave Santa a note, explaining that you've moved. Include a map with unclear and hard-to-read directions to your new house.

- Leave out a Santa suit, with a dry-cleaning bill.

- Paint "hoof-prints" all over your face and clothes. While he's in the house, go out on the roof. When he comes back up, act like you've been "trampled." Threaten to sue.

- Instead of ornaments, decorate your tree with Easter eggs. Dress up like the Easter Bunny. Wait for Santa to come and then say, "This neighborhood ain't big enough for the both of us."

Jæja aftur, það er greinilega einhver sem les síðuna mína. Takk til allra sem skrifuðu og óskuðu mér til hamingju. Mér þótti mjög vænt um það. Sérstaklega frá þeim sem ég hef ekki heyrt í lengi.

Dagurinn í dag var afskaplega merkilegur og skemmtilegur að því leyti að ég fór í brúðkaup frænku minnar sem var að gifta sig í þriðja skiptið. Hef nú aldrei farið í brúðkaup til neins sem hefur gift sig svona oft. Það sem var gleðilegt við þetta brúðkaup var að hún var að giftast fyrsta manninum sínum aftur, s.s. þeim manni sem hún á þrjár dætur með. Þetta sýnir manni að í þessum heimi, þar sem svo margir skilja, er enn von. Athöfnin var haldin í Friðrikskapellu, sem mér þótti sérstaklega vænt um þar sem við munum ekki geta verið þar á Þorláksmessukvöld í ár. Við verðum í Danmerku hjá tengdó. Ég er nú svo óreynd að þetta verða fyrstu jólin sem ég verð ekki með fjölskyldunni minni um jólin. Þetta verður samt spennandi. Ég bara vona að við förum í messu á aðfangadagskvöld...

Á morgun verður líka merkisdagur, því þá munu Marisa, kona Jónsa, og amma hennar, sem er í heimsókn frá Bandaríkjunum, halda Thanksgiving fyrir okkur. Mamma er búin að bjóða fullt af ættingjum, þannig að þetta verður víst risaveisla. Ég hef einu sinni áður upplifað Thanksgiving að hætti Bandaríkjamanna, en þá var ég bara 10 ára, þannig að ég man ekki mikið eftir því.

Jæja, blogoff í bili.