Þakklæti

Ég er þakklát. Guð gefur manni alltaf val um hvað maður vill gera. Hann blessar mann ef maður leggur áformin í hans hendur. Svo einfalt er það.

Kiddi er búinn að fá þá vinnu sem við höfðum vonast eftir því að hann fengi. Það voru einungis 250 aðrir sem sóttu um!! Það er sko ekki auðvelt að fá vinnu þessa dagana og er hann búinn að vera í afleysingum hér og þar. Á einum staðnum vildu þeir fá hann fast, enda er hann hörkuduglegur starfskraftur og afkastameiri en þeir sem höfðu unnið þarna í tugi ára, en sú vinna er alltaf frá 13:30-21:30 (sem er ekki mjög fjölskylduvænn tími og eins gott að ég vinn heima) og borgar mun minna en hin. Það kom líka í ljós í lokaviðtalinu í dag að hún borgaði meira en við héldum.

Á þessum erfiðu tímum getur maður ekki annað en verið rosalega þakklátur fyrir þetta. Við erum nú búin að lenda í ýmsu hér út af kreppunni, skattinum og undarlegri bankaþjónustu og ekki hefur það hjálpað að vera Íslendingur. Bankinn okkar hefur beinlínis lagt okkur í einelti fyrir að vera Íslendingar og lokað á alla aðstoð. Gaman! Þá er nú gott að eiga góða að.

Erfiðasta tímabilið í vinnunni minni er lokið og allt á uppleið. Nú er ég bara mjög ánægð og nýt þess. Börnin koma brosandi til mín og samstarfskonurnar eru frábærar, þó yfirmenn mínir séu ekki alveg eins og maður vill hafa þá. En, síðan hvenær var allt fullkomið á vinnustaðnum, ég bara spyr.

Nú hlakka ég bara til helgarinnar og við ætlum sko að halda upp á bænasvör og bjartari framtíð. Það verður sko bökuð kaka hér á heimilinu :) Nohh!

Kæruleysið uppmálað

Þessi kreppa og öllu því "crap"-i sem henni fylgir fær mig til að dreyma um verslunarferðir til Bandaríkjanna, sólarlandar spókunarferð til Krítar, Kenyjuferð með allri fjölskyldunni og margar ferðir til Íslands....

Svo sá ég líka alveg hrikalega flott borðstofusett, skenk og skáp á alveg rosalega dýru verði. En... þetta er alveg nákvæmlega eins og mig langar í. Hvað eru 2200 dkr mánaðarlega í 2 ár...? Kva!!! Ekki málið ;)

Ahhh... látum áhyggjurnar bara bíða. Hvað eru nokkrar krónur milli vina?

Margt um margt

Þetta er í fréttum:

1. Hef beðið um að fá eitt barna minna fært til annarar dagmömmu þar sem hann var að ganga frá mér. Sorglegt en mikill léttir sem fylgir því. Hann er formlega hættur hjá mér frá og með morgundeginum. Erum farin að brosa og hlæja aftur.

2. Ég hata skattinn á Íslandi sem ofsækir mann og rukkar mann oftar en einu sinni um allt of háar fjárhæðir þó maður hafi ekki einu sinni unnið þar nema nokkra mánuði á síðasta ári. Hvernig getur þetta staðist spyr ég nú bara.


3. Hef ákveðið að hætta ekki strax í vinnunni þar sem það ríkir mikil óvissa um staðsetningu okkar í nánustu framtíð. Væri ágætt að vera með vinnu þegar maður kemur aftur frá Íslandi og því segi ég upp um leið og húsið selst. Vonum að húsið seljist svo Kiddi geti byrjað í náminu sínu. Annars getum við ekki flutt.

3.5 Kem til Íslands 18. des og fer aftur 4. jan í ljósi þess að ég þarf að halda vinnunni. Sökkar feitt!!

4. Er á móti efnahagskreppunni og spyr bara hvað það er sem þetta ágæta fólk hefur lært í skóla og hvort það kann ekki að beita kunnáttu sinni. Ofar mínum skilningi, en ég er samt á móti þessu öllu saman!! Get eiginlega ekki undirstrikað þetta nógu mikið.

5. Langar að sækja um stöðu í skóla sem er að leita eftir kennara t.a. vinna á skólabókasafni auk þess að kenna ensku og íþróttir. Hljómar mjög aðlaðandi þessa dagana.

6. Er sennilega að fara að halda klassíska tónleika í Kolding kirkju á næsta misseri. Mjög spennandi!! Mjög jákvætt!!! Ef ég hefði möguleika á því myndi ég tvímælalaust vinna sem tónlistarmaður, en þessi heimur er bara eitthvað svo flókinn og erfiður að það nær ekki nokkurri átt.

7. Ég MUN (!!!!!) gefa út jóladisk einhvern daginn og ég hlakka til þess dags þar sem mig hefur dreymt um það MJÖG lengi :)

8. Mun fá coach í heimsókn til mín á morgun til að hjálpa mér að leysa úr því sem þarf að leysa vandamálalega séð.

9. Þetta var ágætis útrás og hrikalega hressandi að geta skrifað í punktastíl.