Mamma a leiðinni

Af hverju get ég ekki notað íslenska stafi í titilreitnum?!

Mamma hringdi í mig sl. laugardag og tilkynnti mér að hún væri búin að kaupa miða hingað:) Gaman! Hún kemur ss. næsta laugardag og verður í viku. Pabbi kemur hugsanlega í nokkra daga. Hann er bara svo svakalega bissí. Svo kemur Heiðrún í byrjun nóvember, svo komum við heim í desember. Jahér, það er nú ekkert voðalega erfitt að vera í útlöndum þegar málin eru svona.

Við vorum að kaupa okkur alveg voðalega glæsilega uppþvottavél. Vatn hér er svakalega dýrt, en maður þarf bæði að borga fyrir vatnið sem kemur inn og vatnið sem fer út, þannig að það borgar sig eiginlega að eiga uppþvottavél, því það fer svo mikið vatn til spillis þegar maður vaskar upp. Vatnið hefur, er og mun alltaf vera það besta við Ísland! Ég þarf að sjóða vatnið hér til að geta drukkið það. Svona er maður góðu vanur. Danir halda samt að þeir séu með hreinasta og besta vatn í heimi. Það er svo mikið kalk í því að allt verður hvítt. En... veðrið er samt betra hér, og húsið mitt og garðurinn minn og rósirnar mínar :) Geðveikt gaman.

Kiddi þurfti að mæta í herinn í dag. Pælið í því. Hann þarf samt ekki að taka út herskylduna sína núna, því hann er í námi, en hann þurfti samt að mæta í viðtal. Bizarro!

Annars erum við dálítið kaupóð þessa dagana. (Kiddi er samt sá sem á mestu sökina). Við keyptum fitnesshjól handa mér, það var að vísu ferlega ódýrt og ráðlagt af Sonju sjúkraþjálfara. Síðan var Kiddi að kaupa eitthvað fáránlega flott sjónvarp handa okkur. Hann komst að því að það væri ódýrast í Þýskalandi, þannig að hann pantaði það þaðan. Það kemur eftir 2 daga. Jahér. Okkar sjónvarp sem við fengum gefins er svo gamalt að það tekur ekki einu sinni inn allar sjónvarpsstövarnar sem er í þeim pakka sem við borgum fyrir. Manni líður hálf illa að vera að kaupa svona margt. En, ég hugsa að það verði nú ekki keypt neitt mikið meira af svona stórum hlutum á næstunni.

Anyways, það er rigning hér í dag og barnið mitt sefur og sefur. Klukkan er nú bara hálf ellefu, en það er óvenjulegt hvað hann er búinn að sofa mikið í dag. Hann var vakandi óvenjulega snemma í morgun, en þetta er samt skrýtið. Hann er greinilega að vaxa. Ég veit samt varla hvað ég á að gera við sjálfa mig á meðan.

***You Are 36% Girly***


You are a pretty hardcore tomboy, and a very free spirit.
Gender roles be dammed, you like to do things your way.


How Girly Are You?
http://www.blogthings.com/howgirlyareyouquiz/

Alltaf kemur eitthvað manni á óvart :) Þetta á s.s. við um mig.

Kaffi og með því

Við mæðginin vorum að vakna eftir 2,5 klst lúr saman. Við vorum bæði mjög þreytt. Heimilið okkar er allt að verða fínt, en síðustu kassar fara væntanlega upp á loft í dag og Kiddi var að versla 2 hillur, eina fyrir þvottahúsið og eina fyrir DVD og bækur fyrir stofuna. Þá er nú ekki mikið eftir.

Í gær tókum við í notkun nýja kaffivél sem er samt gömul og eitt af því sem amma Kidda hefur grafið upp einhversstaðar. Þessi kaffivél er s.s. í rauninni ekki ný heldur notuð, en þetta er svona vél sem getur búið til espressó einu megin og hellt upp á kaffi fyrir fleiri hinum megin. Svo er líka hægt að flóa mjólk í henni. Mjög brilliant fyrir kaffielskandi fólk eins og mig og hugsanlega okkur. Kiddi drekkur nú ekki oft kaffi, en fær sér einn espressó við og við. Hann keypti handa mér koffínlaust arabískt kaffi til uppáhellingar handa mér, því annars get ég að sjálfsögðu ekki drukkið kaffi þessa dagana.

Annars er ein snilldar sjónvarpsstöð hér sem sýnir aðallega þætti eða svona sitcoms og meðal þess sem er sýnt er t.d. the Cosby show, Ally McBeal, David Letterman og Friends til að nefna nokkra fáa. Geðveikt gaman. Maður verður bara að passa sig á að verða ekki algjör kartefla (sbr. couch potatoe ;) ).

Ég er farin að ganga á hverjum degi núna, ekki veitir af, (einhvern vegin virkaði ég ekki almennilega með allt fólkið búandi inná mig) og gekk ég leið í dag þar sem maður sér hvað Danmörk er fallegt land. Það var alveg frábært útsýni út á akrana, en bændurnir eru ný búnir að uppskera og hafa ákveðið að sá aftur v.þ. hve gott veðrið var í fyrra langt fram á jól. Alla vega hefur þessi fegurð alveg sérstaklega góð áhrif á lundina manns.

Loksins ein í kotinu okkar

Jæja, þá eru allir gestir farnir héðan, ég ætti nú frekar að segja "fluttir" héðan, því síðustu gestirnir okkar voru hér í mánuð sem er jú 1/12 úr ári. Á undan því þá bjuggum við inná foreldrum mínum í hálfan mánuð, þannig að lífið okkar er búið að vera dalítið öðruvísi undandfarið. Alla vega, þá er lífið okkar hér ein formlega hafið.

Við vorum í heimsókn hjá afa og ömmu Kidda í gær, en það er nú alltaf ánægjulegt að fara til þeirra. Þau eru alveg einstaklega gjafmild og fer amman út um allar trissur og finnur hitt og þetta (yfirleitt notað dót, en þó ekki endilega drasl) sem hún fyllir geymsluna þeirra með og sem hún býður hverjum sem vill eiga að fá. Ég hef nú bara aldrei kynnst annarri eins manneskju áður. Maður fer s.s. bókstaflega aldrei tómhentur þaðan. Í gær fengum við m.a. afskaplega fallegan vasa sem er úr keramik innaní og dökkum, útskornum viði utaná. Svo fékk Kiddi eldgamla kaffi/espressó vél sem hann ætlar að þrífa og athuga hvort virki. Við fengum aftur stóla og munum ná í borðplötu sem afinn hefur geymt og ekki tímt að henda frá því að hann hætti að vinna sem smiður fyrir ca. 20-30 árum síðan. S.s. maður hittir ekki svona fólk á hverjum degi.

Annars hefur litli maðurinn verið afskaplega þreyttur í dag og verið pirraður og viljað sofa mestallan daginn. Hann hefur nú ekki mikið úthald ennþá greyið. Ég var nú rosalega þreytt í gær líka, en svona er það þegar maður nær ekki að leggja sig á daginn.

Mikið er annars gaman þegar einstaka persóna tekur sér tíma til að skrifa mér línu hér á blogginu. Ég hef nefnilega ekki mikið samband við annað fólk þessa dagana, þannig að mér þykir alltaf vænt um það þegar fólk annað hvort kommenterar hér eða skrifar mér stutt e-mail. Bless í bili.